LEIKIR í skólastarfi
​

Hér koma ýmsar hugmyndir af leikjum sem er hentugt og gaman að nota í kennslu. Þeim er skipt upp í flokka eftir því hvað þeir reyna á; svo sem leikir sem reyna á hreyfingu, leikir sem reyna á einbeitingu og hlustun, leikir sem reyna á samvinnu. Margir þessara leikja reyna á meira en eitt af þessu en voru settir í flokk sem talið var eiga best við. Við fengum hugmyndar af þessum leikjum frá leikjabókinni: leikir í listinni: leikir úr ýmsum áttum eftir Jónu Guðrúnu Jónsdóttir og Rannveigu Björk Þorkelsdóttir (2020), leikgleði - 50 leikir eftir Sabínu Steinunni Halldórsdóttir (2016) og frá eigin reynslu.​

Leikir í kennslu​

Leikir sem reyna á hreyfingu

​​

​Hreyfing/snerting
Allur hópurinn byrjar á að dreifa sér um rýmið. Leikurinn er nokkurskonar eltingaleikur þar sem allir reyna að klukka alla.  Ef nemandi er snertur af öðrum nemanda, t.d. á vinstri hönd má nemandi ekki hreyfa þá hönd. Sama gildir með aðra líkamsparta eins og fætur, þá má nemandinn hreyfa sig en þeir líkamspartar sem hafa verið snertir eiga að haldast stífir. Leikurinn heldur síðan áfram þangað til einn eða enginn er eftir. Gott til að hrista hópinn saman en getur orðið hávaðasamt. 
(Children Playing Pictures #1520788, e.d.)
Könglakapp
​Allur hópurinn byrjar á að hjálpast að við að safna t.d. könglum eða steinum úr umhverfinu. Hópnum er síðan skipt í lið með jafn mörgum einstaklingum í. Liðin raða sér upp á enda t.d. fótboltavallar og könglunum er komið fyrir á miðjum vellinum. Þegar stjórnandi gefur merki á einn í liðinu að hlaupa og ná í einn köngul. Síðan fer næsti af stað og allir mega bara taka einn köngul í einu. Það lið sem er með flesta köngla í lokin vinnur. Hægt er að útfæra leikinn á skemmtilegan hátt, t.d. að láta nemendur hlaupa afturábak eða hoppa að könglunum.
​
​(Pine Cone Clip Art , e.d.) 
Útibingó!
Allir nemendur fá eitt bingóspjald, einnig er hægt að hafa marga saman með eitt spjald. Hægt er að gera margar útfærslur af þessu en krefst smá undirbúnings af kennara. Það er bæði hægt að finna fullt af tilbúnum spjöldum á google (t.d. með því að leita af "outside bingo") og síðan er hægt að útbúa sitt eigið spjald.  Hægt er að gera mismunandi erfiðleikastig eftir aldri og getu nemenda.
​Nemendur eiga að reyna að finna allt á spjaldinu úti og gera "x" yfir þá hluti sem búið er að finna. 
(Ótitluð mynd af bingóspjaldi, 2019.)
Blindi bóndinn
Einn nemandinn leikur blinda bóndann sem er blindur og er því með lokuð augu eða eitthvað bundið fyrir augun. Bóndinn stendur á móti hinum nemendunum og hefur verið útbúið hlið sem hann passar , t.d. með tveimur borðum. Aðrir nemendur velja sér húsdýrategund í huganum. Þegar allir eru búnir að velja sér sitt dýr byrjar bóndinn að byðja ákveðna dýrategund að reyna að komast í gegnum hliðið, t.d. núna mega allar hænurnar mínar koma. Þeir nemendur sem völdu hænu eiga þá allir að reyna að komast fram hjá bóndanum í gegnum hliðið án þess að hann nái þeim. Ef blindi bóndinn nær einhverju dýri hjálpar sá nemandi bóndanum að ná dýrunum í næstu umferð.
Gott til að brjóta upp kennslu þegar nemendur læra um húsdýrin.
​
(Illustration of Cartoon Farmer angry, e.d.)
Í tíma og rúmi
​Í þessum leik vinna nemendur í pörum tveir og tveir saman. Kennarinn gefur fyrirmæli sem börnin skiptast á að fara eftir. Einn nemandi fer eftir því sem kennarinn segir og hinn skráir niður upplýsingar hjá sér. Síðan skiptast hlutverkin. Hægt er að velja þema í leiknum eftir getu og aldri nemenda. 
Þegar kennarinn flautar hleypur einn í parinu af stað þangað til kennarinn stoppar klukkuna eftir 10 sekúndur. Nemendur giska þá á hvað þeir fóru mörg skref á þessum 10 sekúndundum og hinn skráir það niður. Því næst skiptir parið um hlutverk og það er gert það sama nema þá hleypur nemandinn ákveðið langa vegalengd og á síðan að giska á hversu margar sekúndur það tók. Hvert og eitt par getur líka tekið sinn eigin tíma með skeiðklukku, 
(Ótitluð mynd af krökkum í leik, e.d.)

​
Stærðfræðiboðhlaup
Byrjað er á að skipta nemendum upp í jöfn lið. Kennari undirbýr þrautabraut fyrir hvert lið og er búinn að undirbúa blöð með stærðfræðidæmum hinum megin við þar sem nemendur byrja. Einn og einn hleypur svo yfir í einu, eins og í hefðbundnu boðhlaupi, leysir eitt dæmi og hleypur síðan aftur til baka og næsti má fara af stað þegar hann er búin að fá "high five". Það er einnig hægt að leyfa tveimur að hlaupa saman í einu og reikna dæmið saman.
​
(Cartoon kids with 123 numbers, e.d.)
Stafakarlarnir
Útgáfa af hefðbundnum stórfiskaleik þar sem einn sjálfboðaliði er stjórnandi. Hann fer á miðju vallarins og hinir eru við enda hans. Nemendur eru með ákveðið frelsi eftir því hvaða bókstafi þeir eru með í nafninu sínu. Stjórnandinn snýr baki í hina og segir t.d. " Þeir sem eiga H mega sleppa". Þá hlaupa þeir yfir sem eru með "H" í nafninu sínu. Þegar þeir nemendur eru komnir yfir klappar stjórnandi saman lófunum og kallar "út, út , allir mínir stafakarlar". Þá á restin af krökkunum að hlaupa yfir og stjórnandinn að reyna að klukka þau. Þeir sem stjórnandinn nær aðstoða hann við að ákveða stafi og klukka í næstu umferð.
(Igor Sakowski, e.d.)
Leikir sem reyna á einbeitingu og hlustun
Skógargangan
​Leikurinn gengur út á að kennarinn segir hópnum sögu. Nemendur stilla sér upp við vegg og sagan byrjar á því að allir fara saman í göngutúr í skóginum. Í göngunni þarf að vaða drullu, labba í gegnum hátt gras, hoppa yfir polla, sveifla sér og ef að hópurinn sér eitthvað dýr verða allir að hlaupa til baka að veggnum frá dýrinu.
Tillaga að sögu: Jæja göngumenn, núna leggjum við af stað í skógarferð. Við erum komin að svaka stórum drullupytt. Við löbbum lengra og lengra í gegnum hann ( allir leika eins og þeir séu að labba í drullu). Nei hvað er eiginlega þarna, þetta er stórt vörtusvín. flýjum! 
​
(Tigatelu, e.d.)

​​​Talnaleikur
Nemendur byrja á því að dreifa sér um rýmið. Einhver einn nemandi byrjar á að öskra "einn"  og einhver annar í hópnum byrjar þá á að kalla "tveir" og síðan koll af kolli. Ef einhverjir tveir kalla tölu á sama tíma þarf að byrja upp á nýtt.​
(Herman, e.d.)
Dýrapörin
​Nemendum er skipt niður í pör - tveir og tveir fá sama dýrið. Því næst dreifa sér allir um rýmið með lokuð augun og gefa frá sér sitt dýrahljóð eftir því hvaða dýr þeim var úthlutað. Leikurinn gengur út á það að þú átt að finna þann sem er að gefa frá sér sama dýrahljóð með lokuð augun.
(Andrea, e.d.)
Stafaklukk
Nokkurskonar útgáfa af eltingaleik. Kennarinn ákveður áður en leikurinn hefst hvaða bókstafi er unnið með hverju sinni og velur 2-3 börn sem eiga að elta hina nemendurna. Ef t.d. unnið er með bókstafinn "v" eiga þeir sem eru að elta að segja "v" þegar þau klukka einhvern. Það barn sem er klukkað á að mynda bókstafinn með líkamanum sínum annaðhvort standandi eða liggjandi. Til þess að verða frelsaður og mega hlaupa um aftur þarf einhver annar í leiknum að hlaupa til nemandans og nefna orð sem byrjar á bókstafnum "v".
(Tigatelu, e.d.)
Hvít og rauð blóðkorn
Nemendum er skipt upp í pör og öll pörin eru rauð blóðkorn. Tveir nemendur eru síðan hvít blóðkorn. Leikurinn er eltingaleikur og eiga hvítu blóðkornin að reyna að stöðva(klukka) öll rauðu blóðkornin. Ef að par af rauðum blóðkornum er klukkað af hvítu blóðkornunum þá myndar það æð með því að setja lófa sína saman upp í loft. Þá getur annað par af rauðum blóðkornum hlaupið í gegn og frelsað þau. 
(Mascot Illustration Featuring a White Blood Cell and a Red Blood Cell Hanging Together, e.d.)
Í grænni lautu
Útfærsla af gömlum leik.
Lag: Í grænni lautu þar geymi ég hringinn sem mér var gefinn og hvar er hann nú, sem mér var gefinn og hvar er hann nú?

Í byrjun fær einn nemandi hlut sem hann felur í lófa sínum.
Getur verið hlutur tengdur námsefni sem er verið að læra um eða bara hvað sem er eins og t.d. hringur. Allir nemendur labba síðan í hring og syngja lagið hér fyrir ofan í kringum einn nemanda sem er í grúfu í miðjunni. Um leið og lagið er búið rétta allir nemendur fram kreppta lófa sína svo það lítur út eins og allir geti verið með hlutinn í höndum sínum. Þá fær nemandinn í miðjunni þrjár tilraunir til að giska á hver er með hlutinn. Það gerir hann með því að slá létt á hönd sem hann heldur að hluturinn sé í. Ef hann finnur ekki hlutinn grúfir hann sig aftur niður og leikurinn er endurtekinn. Þær hendur sem slegið var á eru þá geymdar fyrir aftan bak.
​
(Happy kids holding hands and dancing in a circle. Cute boys and girls having fun, 2017)
​Leikir sem reyna á samvinnu

Form og frumlegheit
Í byrjun skiptir kennarinn nemendum í nokkra hópa með jafnmörgum í með því að gefa þeim númer. gott að hafa 3-4 í hóp. Þegar kennarinn kallar upp t.d. "þríhyrningur!" þá eiga þeir sem hafa sömu númer að vera eins fljót og þau geta að mynda þríhyrning saman með líkömum sínum, hægt er að nota öll þau tvívíðu form sem kennd eru, hring, tening og fimmhyrning svo eitthvað sé nefnt. þegar allir hóparnir hafa myndað formið kallar kennarinn upp dýrategund sem nemendur eiga að leika í 15-20 sekúndur, t.d. hænur. Svo er farið í næsta form og koll af kolli.
(Olga Klyshina, e.d.)
Póstkortin sem týndust
Kennarinn segir bekknum sínum frá því að hann hafi verið í heimsreisu og hafi verið búinn að taka fullt af myndum. Hann hafi þó því miður glatað myndunum og þurfi aðstoð frá nemendum til að endurvekja þessar minningar. Bekknum er skipt upp í hópa (3-4 saman í hóp) og hver hópur á að búa til 3 kennileiti einhverstaðar úr heiminum en mega einungis nota  líkama sína. Hóparnir ákveða sig hvaða kennileiti þeir vilja mynda úr líkömum sínum, t.d. Effeil turninn, frelsisstyttuna,Taj mahal og skakki turninn í Pisa.  Ef nemendur eiga í erfiðleikum með að velja kennileiti er hægt að vera búinn að prenta út myndir eða varpa  upp á vegg nokkrum hugmyndum. Einnig er gott að vera búinn að fara í kennileiti með þeim í kennslu nokkru áður. Þegar hóparnir eru tilbúinir sýna þeir hinum í bekknum afraksturinn og hinir eiga að giska á hvaða kennileiti þeir eru að búa til.
(Ótitluð mynd af Effeil turni, e.d.)
Umhverfið okkar
Hópnum er skipt upp í lið þar sem jafn margir eru í hverju liði (3-4 saman).
​Hvert lið á síðan að safna ákveðið miklu magni af eitthverju ákveðnu úr náttúrunni og setja á stað (getur verið box). fyrirmælin geta verið : 
safnið saman 12 stk af rusli á 4 mín.
safnið saman 20 laufblöðum á 5 mín.
safnið saman 7 litlum steinum á 3 mín.
 (Two green leaves cartoon icon, e.d.)
Nafnið mitt
Hópurinn dreifir sér um svæðið og eiga að hlaupa um það. Kennarinn kallar síðan upp ákveðin fyrirmæli og þá eiga nemendur að stoppa og para sig saman eftir þeim fyrirmælum hverju sinni. Fyrirmælin tengjast nöfnum nemenda. t.d:
Þeir sem eru með 5 stafi í nafninu sínu eiga að para sig saman.
Þeir sem eru með jafn marga stafi í nafninu sínu eiga að para sig saman.
Þeir sem eru með A í nafninu sínu eiga að para sig saman.
Þeir sem eru með tvo sérhljóða í nafninu sínu eiga að para sig saman.
 (Cute cartoon running boy and girl vector clip art illustration, e.d. )
Leiðtoginn
Nemendur standa í hring og kennarinn velur einn nemanda sem stendur í miðju hringsins og einn nemanda sem er leiðtoginn. Allir vita hver leiðtoginn er nema nemanndinn í miðjunni. Hægt er að velja hann t.d. með því að láta nemandann í miðjunni loka augunum og benda á leiðtogann. Leiðtoginn gerir einhverja hreyfingu sem hinir í hringnum eiga að herma eftir, og skipta síðan um hreyfingu með vissu millibili. Nemandinn í miðjunni á að reyna að sjá hver það er sem er að stjórna hreyfingunni. 
(Happy kids holding hands in a circle, e.d.)